向佐新片《门前宝地》票房失利 曾呻努力7年换「全民嘲讽的失败」 文隽帮口撑提「李小龙转世」招负评

向佐新片《门前宝地》喺内地上映，结果票房失利

电影大亨向华强同太太陈岚嘅大仔向佐醉心幕前，不过即使屋企全力支持，向佐自己都好努力，但偏偏欠缺观众缘。最近向佐主演、耗资2亿嘅新片《门前宝地》喺内地上映，结果票房失利，上映4天只係收134万。唔叫座之余最惨係唔叫好，观众普遍对电影以至向佐演技予以负评。

文隽

90年代为多套港片担任监製嘅电影人文隽（Man哥），早前喺个人youtube频道拍片，为向佐屡被嘲讽讲「公道说话」。Man哥片中提到，向佐係个好有礼貌、好乖嘅后生仔，而当年《封神》失败係因为剧本唔完善同製作混乱，至于另一套向佐担正电影《我的拳王男友》就输在向佐唔够观众缘。更爆嘅係文隽提到向佐生日同已故武打影星李小龙死忌都係7月20日，而李小龙暴毙地点就係向佐爸爸向华强前妻丁珮香闺。文隽透露向佐出世后，「丁珮都觉得向佐係唔係阿Bruce（李小龙）投胎转世？我知道呢个讲法好夸张，好多李小龙迷会反对，但呢啲嘅巧合，就注定向佐嘅不平凡人生」。文隽呢番言论果然引来唔少网民以至李小龙影迷留言批评。

按此下载全新 APP，睇尽最新娱乐新闻、乐坛消息、名人热话、热门电影、Netflix剧评，新人更可即时换领限量新人礼，立即下载！

其他人也在看