「细细粒」陈嘉佳激减过百磅后翻胀？曾拍片直认纠结考虑变肥返

陈嘉佳（细细粒）近年转战内地担任「吃播主」带货闯出名堂，高峰时期曾一晚赚800万，体重高峰期曾达287磅，唔少网民都替佢健康感到担心。去年因健康响起警号而积极减肥，信心大增嘅佢喺社交平台大晒泳衣、吊带衫及着婚纱嘅照片，近日佢再次喺社交网站上载影片，不过身型就好似比之前胀咗唔少。

喺10月1日国庆日，唔少艺人都有上载影片庆祝，当中包括细细粒，佢以「给我的祖国比一个心」为题出PO，上载影片及留言：「愿山河无恙！祝繁荣昌盛！#国庆 #祖国万岁」。影片中嘅细细粒扎上丸子头，着上黑色连身裙，佢脸部五官同瘦咗嘅时候差唔多，不过身形睇落就好似翻胀咗唔少。

早前，细细粒拍片指自己处于纠结状态，直言考虑想变肥返：「我想胖回去，胖回一百八斤左右。然后就是很多人说我瘦了很憔悴，但我觉得我瘦了以后很精灵啊，然后就有很多说还是觉得胖胖的我比较好看，可爱，比较有特色？」续指，减肥头三个月感觉好痛苦，但过咗之后就唔痛苦。细细粒仲话减肥令佢改变饮食习惯，而家都唔会饮冻嘢，并对自己减肥成绩感满意，不过就纠结应该肥返定係再极端一啲，真係瘦到110斤。

按此下载全新 APP，睇尽最新娱乐新闻、乐坛消息、名人热话、热门电影、Netflix剧评，新人更可换领限量新人礼，立即下载！